KORONADAL CITY- Madugay na suno pa nga ginasundan sang mga otoridad ang tricycle driver sa Isulan, Sultan Kudarat nga ginapatihan bomber kag nakuhaan pa sang duha ka Improvised Explosive Device ukon IED.
Ginkilala ang biktima nga si Abubhakar Upam, 21 anyos kag residente sang Maguindanao.
Sa impormasyon, ginsundan ini sang Isulan PNP bangud sa mga nabaton nga impormasyon nga may dala ini nga bomba kag pag-abot sa National Highway, Brgy. Dansuli, Isulan Sultan Kudarat, hana sini nga habuyan sang granada ang mga otoridad rason nga gin unahan na lamang ini.
Ang napatay nga bomb courier ang madugay na suno pa nga tricycle driver sa banwa sang Isulan kag syudad sang Tacurong.
Nakaangkon ini sang lima ka igo sang bala sa nagkalain-lain nga bahin sang iya lawas.
Kaangot sini, mas ginpahugtan pa sang Sultan Kudarat PNP ang seguridad sa probinsya.
