KORONADAL CITY- Nagapadayon ang imbestigasyon sang Koronadal City PNP sa nagluntad nga pagpangluthang patay sa isa ka traysikel driver sa Brgy. Caloocan syudad sang Koronadal.
Sa interbyu sang Bombo Radyo Koronadal kay Brgy. Caloocan Punong Brgy. Eric Domingo, ginkilala ang biktima kay Benedicto Billones 41 anyos kag residente sang nasambit nga lugar.
Kaangot sini pila sa mga residente ang nakabati sang 3 suno pa ka asud-asod nga paglupok takna alas 11 sang gab-i apang wala sila naglaum nga ini ang lupok halin sa armas luthang bangud mahinay lamang ang ila nabatian.
Ginkakibot na lamang nila sang masapwan ini sang isa ka residente sa kahilamunan nga duguon kag wala na sang kabuhi.
Tuman naman ang pagpangasubo sang pamilya sang biktima kag luyag maangkon ang hustisya.
