Nagapabilin ang tensyon sa Middle East samtang wala pa nagaumpisa ang direkta nga negosasyon sa tunga sang Iran kag United States.
Suno kay Iranian Foreign Minister Abbas Araghchi, nagabayluhanay lang sang mga mensahe ang duha ka pungsod paagi sa mga intermediary, samtang ginatinguhaan nga matukod ang kondisyon para sa posible nga negosasyon.
Sa pihak sini, gin-angkon sang Houthis sa Yemen ang pag-atake nga nagresulta sa sunog sa isa ka oil facility sang Saudi Aramco sa Jizan province.
Samtang, naghatag naman ang Islamic Revolutionary Guard Corps sang Iran sang mga kondisyon para sa posible nga pagbukas liwat sang Strait of Hormuz.
Lakip diri ang pagtakop sang US naval blockade kag kompensasyon para sa mga danyos nga resulta sang giyera.
Gindumilian naman ni Israeli Prime Minister Benjamin Netanyahu ang 15-point “Board of Peace” plan ni US President Donald Trump sa Gaz.
Ginpahayag ni Netanyahu nga indi maghalin ang Israeli forces tubtob nga ma-disarm ang Hamas.
Sa karon, nagapadayon ang diplomatic efforts kag tensyon sa rehiyon samtang wala pa sang klaro nga kasugtanan ang mga nag-aupod nga partido.
