Temporaryo na nga yara sa PMCO Funeral Homes sa bahin sang Polomolok, South Cotabato ang mga lawas sang Maglinte family.
Madumduman nga nagluntad ang makasulurubo nga aksidente sa magsangyaw sa bahin sang Tupi, South Cotabato.
Maabtan na sang rescue team nga wala an sang pulso ang mga biktima.
Isa ka biktima ang naputlan sang tiil samtang ang iban halos head injury ang naangkon.
Lakip sa mga ipauli sa Cagayan de Oro City kuntani ang Mag-asawa nga sanday Joel Maglinte, 57 anyos kag Annabelle Maglinte, 53 anyos; mga bata nila nga sanday Lloyd Justin Maglinte, 20 anyos; Erwin John Maglinte, 22 anyos kag Joan Mae Maglinte, 29 anyos kag ang dalawa ka menor de edad namannga si Yuna, 8 anyos kag si Marga, 7 anyos magapabilin sa banwa sang Polomolok.
Samtang, ginbalhin naman sa isa ka pribado nga ospital ang driver sang L300 Van nga si Oliver Jay Maglinte, 26 anyos nga nakapagkit sang major injury man sa iya tuo nga batiis.
Dako gid ang kasubo sang mga pamilya sang mga biktima bangud nahimo nga trahedya ang masadya kuntani nga bakasyon nila.
May kaangtanan sini, nagpanawagan ang MDRRMO Tupi sa tanan nga mga nagabyahe nga kon indi maba-an ang lugar, mas maayo nga magdala sang tawo ukon driver nga kabalo sa mga dalan sa ila padulungan agud malikawan ang disgrasya. Kag mag-halong sa dalan karon nga yuletide season.
Nagasinggitan naman sang bulig pinansyal ang pamilya Maglinte-simeon agud mapadasig nga mabalhin sa Cagayan de Oro ang mga biktima.
