Kadungan sang monthlong celebration sang World’s Teachers Day, panawagan sa karon sang Department of Education nga hatagan sang importansya kag bili ang mga nahimo sang mga manunudlo ila bulig sa pag-umwad sang komunidad pinaagi sa pagtudlo sa mga kabataan.
Sa esklusibo nga interbyu sang Bombo Radyo Koronadal kay Dr. Allan Farnazo, Regional Director sang DEPED Region 12, ginpahayag sini nga ang selebarasyon sang Teacher’s Day sa sulod sang 1 ka bulan ang base sa isa ka laye nga nagakilala sa nahimo sang mga manunudlo ilabi na sa pagporma sang mga kabataan kag sang kominidad.
Suno kay Farnazo, ang isa ka manunudlo ang nagaisahanon nga propesyon nga nagatuga sang mga bago nga mga propesyon nga nagabulig sa pagsanyog sang isa ka komunidad.
Kaangot sini, nagkalain-lain man nga mga aktibdad sa kada buluthuan ang ginapatigayon bilang pagpasalamat sa mga maestra kag maestro sa ila nangin papel sa development sang isa ka bata kag sang pungsod sa kabilugan.
