Yara na sa presuhan ang isa ka lalaki nga ginakaibig nga street level individual sa ginkasa nga drug buy-bust operation sang mga otoridad sa Terminal sang Purok 5, Intake, Barangay Mabuhay, General Santos Cit, Martes, Hulyo 9, 2024.
Ginkilala ni Police Brigadier General Percival Augustus Placer, Regional Director sang Police Regional Office 12, ang nadakpan nga indibidwal nga si alyas “Ben”, 26 anyos, tattoo artist kag residente sang 13 B Sweza, Barangay Fatima, General Santos City.
Dugang pa sang opisyal, sang nagpatigayon sang buy-bust operation ang mga tinawo sang General Santos City Police Office-Police Station 9 kag PDEA Regional Office XII, nakuha sa suspek ang tatlo ka medium transparent plastic sachet sang ginapatihan nga shabu, 1,000-peso bill kag iban pa nga non-drug items.
Magapangatubang naman ang suspek sa kaso nga paglapas sa R.A 9165 ukon Comprehensive Dangerous Drugs Act of 2002.
Padayon man ang pagpasiguro sang kapulisan nga pagadakpon ang sin-u-man nga magalapas sa laye.
