-- ADVERTISEMENT --
KORONADAL CITY – Naglab-ot sa tatlo ka puluy-an ang nasunog sa bahin sa likod nga bahin sang ELMines sa Brgy. Sta. Cruz pasado alas-9 sang aga, Lunes, November 18, 2024.
Sa interview sang Bombo Radyo Koronadal kay Nanay Susanita Batadlan, isa sa mga nasunugan, madasig nga naglapta ang kalayo bangud himo sa light materials ang kalabanan sa mga panimalay nga nasunog.
Nahibalu-an man nga isa ini ka compound sang isa ka pamilya.
Una nga nagluntad ang kalayo sa balay sang isa ka PWD, nga Nanay sang mga ini.
Nagapati si Nany Susanita nga bangud posible may ginsaksak ini nga nangin rason kun ngaa nagluntad ang sunog.
Sa karon, nagapadayon ang imbestigasyon sang BFP Koronadal sa gintunaan sang nasambit nga sunog kag kung pila ang danyos sini.
