KORONADAL CITY-Naka half-mast sa subong ang hayahay sang City Hall sang syudad sang Tacurong para ipakita ang pakig-simpatiya kag pagpangasubo sang bilog nga syudad sa pagtaliwan sang alkalde sang Tacurong nga si Mayor Angelo “Roncal” Montilla bangud sa Covid-19.
Sa pakighinun-anon sang Bombo Radyo Koronadal, ginkasubo ni Tacurong City Information Officer Allan Freno ang ini nga mga panghitabo kaupod man ang iban nga mga kakilala kag mga malapit nga abyan sang alkalde lakip man ang mga residente sang Tacurong City.
Suno sa opisyal, kilala nga hard working ang nasambit nga alkalde kag dedicated gid ini sa mga programa kag proyekto para sa bilog nga Tacurong kag ginakabig niya man nga isa sa mga “Early Birds” sa City Hall sang ila nga syudad.
Dugang pa sang opisyal, may gina suprer na nga daan nga balatian nga Diabetes ang alklde antes pa ini gindangat sa balay-bululngan bangud nabudlayan na ini mag ginhawa.
Takna alas 9:30 kagab-e , nagtaliwan ang alkalde bangud nalutos ini sa balatian nga Covid-19. sa isa ka balay bululngan sa General Santos.
Ginpahayag pa ni Freno nga igapaidalom man sa cremation ang patay nga lawas sang alkade, sandig man sa kamanduan sang Talatapan sang ikaayong lawas sa mga nagtaliwan sa makalalaton nga pandemya
Natalana naman nga ipasa ang nabilin nga posisyon kag responsibilidad sang nagtaliwan nga alkalde sa bise alkalde kag utod man sini nga si Vice Mayor Lino Montilla
