KORONADAL CITY- Naghikog ang suspek sa pagpanglugos kag pagpatay sa 9 anyos nga bata nga babayi sa banwa sang T’boli South Cotabato, ini ang ginkumpirmar ni Police Chief Inspector Ramil Villagracia hepe sang T’boli PNP sa ekslusibo nga interbyu sang Bombo Radyo Koronadal.
Suno kay Villagracia, kaagahon sang masapwan ang suspek nga si Sonny Kagalingan, 48 anyos sa sulod sang selda sini nga wala na sang kabuhi makaligad maghikog usar ang higot nga ginahimo nga halayan sa sulod sang presuhan.
Nahibaluan nga ang pagsuicide sang suspek ang kasunod sang pagk-arestar sini kag makaligad man nga gin ako nga sya ang nag lugos kag brutal nga nagpatay sa 9 anyos nga bata pinaagi sa paglampos sang kabo sa ulo sini, pagbuno sa sensitibo nga bahin sang iya lawas kag paglapta sang internal organs sang biktima.
Posible suno pa nga wala na ginkaya pa sang kusensya sang suspek ang iya ginhimo nga krime rason nga gin-utas nalang sini ang iya nga kabuhi kag bangud sa kaakig sang pamilya sang biktima.
Dugang pa ni PCI Villagracia, natukiban nga ang suspek ang isa suno pa ka pedophile ukon sexually attracted sa mga bata, ex-convict man ini sa iligal nga droga kag sa pagpanglugos.
Sa karun ginmando na ni PCI Villagracia ang pagpaidalom sang bangkay sini sa autopsy para sa dugang nga imbestigasyon.
