KORONADAL CITY- Tigayon na nga ginbawian sang kabuhi sa ospital ang suspek nga nagpatay sa 2 ka menor ded edad nga bata sang isa ka pastor sa banwa sang Surallah, South Cotabato alas-8:30 kaina sang aga.
Suno kay PO3 Oscar Albayasen sang Surallah PNP, bangud sa pagbuno sini sa kaugalingon nga dughan wala na masalbar pa ang kabuhi sang suspek nga si George Judilla nga residente sang Zone 6, Barangay Libertad, Surallah, South Cotabato.
Nagagwa sa imbestigasyon sang Surallah PNP nga tuman nga selos ang rason sang suspek kun ngaa nahimo sini ang krimen.
Una diri, nagbaisay suno pa ang suspak kag live-in partner sini nga si Ellen Labatos nga yaya sang mga biktima sa puluy-an sang pamilya Pamplona kun sa diin ginpaukpan sini sang akig ang mga bata.
Nag-usar ang suspek sang kutsilyo sa pagpamuno sa mga bata kag gilayon man nga ginbuno sini ang kaugalingon.
Nahibaluan nga nakigbulag na si Labatos sa suspek sang nakaligad nga bulan nga indi naman suno pa mabaton sang live-in partner sini.
Sa karon, padayon ang pagbubo sang simpatiya sa pamilya Pamplona nga nagakasubo sa kamatayon sang 2 ka bata.
