Tiklo ang isang lalaki na tinuturing na Street Level Individual (SLI) sa isinagawang buy-bust operation ng pulisya sa Purok 4, Brgy.Colon, Maasim Sarangani Province nito lamang ng Enero 25, 2025.
Kinilala ang naarestong suspek na si alyas “Dodong”, 34-anyos, walang asawa, at residente ng Barangay Silway, General Santos City.
Sa ulat ng Maasim Municipal Police Station, bandang 1:05 ng hapon ng kanilang ikinasa ang naturang operasyon laban sa suspek kasama ang iba pang operating units ng Sarangani Police Provincial Office at Police Regional Office 12, na nagresulta sa pagkakadakip nito.
Narekober sa suspek ang dalawang pakete ng hinihinalang shabu na may kabuuang bigat na 2 gramo na may standard drug price na Php13,600, at buy-busy money.
Mahaharap ang suspek ng kasong paglabag sa RA 9165 o Comprehensive Dangerous Drugs Act of 2002.
