Walang kawala ang isang lalaki na tinuturing na Street Level Individual sa ikinasang drug buy bust operation ng PNP sa Purok New Tarlac, Barangay Saliao, Esperanza, Sultan Kudarat noong ika-9 ng Enero nitong taon.
Kinilala ang dinakip suspek na si alyas “Joven”, nasa tamang edad at residente ng nasabing Barangay.
Nanguna sa naturang operasyon ang mga tauhan ng Esperanza Municipal Police Station katuwang ang 2nd Sultan Kudarat Provincial Mobile Force Company.
Nakuha sa pag iingat ng suspek ang dalawang piraso ng selyadong pakete na naglalaman ng hinihinalang shabu na may kabuuang bigat na isang gramo na nagkakahalaga ng Php6,800, buy bust money at iba pang non-drug item.
Kasong paglabag sa RA 9165 o Dangerous Drugs Act of 2002 ang isinampang reklamo laban sa suspek.
