Ginpasiguro ni House Speaker Faustino “Bojie” Dy III nga mangin mas transparent kag nakapokus sa mga kinahanglanon sang katawhan ang pagtalakay sang Kamara sa ginaduso nga P7.2 trilyon nga 2027 National Budget.
Suno kay Dy, ipadayon sang Kamara ang mga reporma nga ginpatuman sang nagligad nga budget deliberations, lakip na ang mas istrikto nga transparency kag security measures agud masiguro ang integridad sang ginaduso nga budget.
Ginpahayag man niya nga makabulig ang bag-o nga ginlunsyar nga LegisHear sa proseso sang paghimo sang budget bangud magahatag ini sang oportunidad sa mga komunidad nga maipabalo ang ila mga prayoridad antes pa aprubahan ang pondo para sa 2027.
Gintalana man sang Kamara nga magpadayon ang mas hugot nga mga pamaagi sa seguridad kag pagdumala agod masiguro nga mangin husto kag tayuyon ang pag-apruba sang 2027 budget.
