KORONADAL CITY – Nagpahanumdum sa subong ang pamunuan sang South Cotabato Chamber of Commerce sa tanan nga mga private employers nga ihatag ang 13th month pay sa subong nga naga hilapit na ang bulan sang disyembre.
Ini ang nangin pahayag ni Atty.RJ Sustiguer- Executive Vice Presidente sang South Cotabato Chamber of Commerce sa interview sang Bombo Radyo Koronadal.
Suno sa opisyal, obligasyon sang mga private employers nga hatagan sang 13th month pay ang mga trabahante sini sa diin ara man sa idalom sang mando sang Labor code of the Philppines.
Suno pa sa iya, naga kaangay nga ginatunga man sang mga employer ang paghatag sang 13th month pay agud nga indi mabug-atan ang mga employers sa paghatag sini sa tion sang paskwa.
Nagpaalinton man ini nga aprubado na sang Wage Board sa SOCCSKSARGEN Region ang pagsaka sang minimum wage sa mga pribado nga sektor.
Ang panibag-o nga minimum wage rates sa idalom sang Wage Order No. RBXII-24 ang epektibo sa October 17, 2024.
Sa idalum sini, ang mga empleyado sa mga pribado nga mga establishimiento sa SOCCSKSARGEN ang makabaton sang P27–P48 nga saka sa daily minimum wage sa diin iga-agi sa 2 ka mga tranches para sa Agriculture and Non-Agriculture Sector umpisa sa October 17, 2024 (first tranche) tubtubJanuary 1, 2025 (second tranche) kag 4 ka mga tranches para sa for Retail and Service Sector nga maga umpisa sa October 17, 2024 (first tranche) tubtib sa June 1, 2025 (fourth tranche).
