KORONADAL CITY – Dead on arrival sa balaybululngan ang isa ka senior citizen matapos maigo sang kilat samtang yara sa sulod sang ila puluy-an sa Purok Tuburan, Barangay San Miguel, Norala, South Cotabato.
Ginkilala ang biktima nga si Diday Kalindi Kale, 64 anyos, may asawa kag residente sang nasambit nga lugar.
Suno pa sa bata sang biktima nga si Popoy Kalindi Kale, samtang yara sila sa sulod sang puluy-an nakita niya pa ang iya iloy nga nga nagsulod sa kwarto apang makaligad ang pila ka minutos hinali na lamang nga nakabati sang mabaskog nga daguob nga ginsundan sang kilat kag kasubong nga may nasunog.
Nakibot na lamang ang iya bata sang makita ang iloy nga nagahigda na sa sulod sang kwarto kag nagaaso ang dughan.
Gilayon naman nga naghingyo sang bulig ang bata sa mga kaingod sini agud nga dal-on sa hospital ang iloy apang wala na ini nahingagaw pa.
