KORONADAL CITY – Liwat nga ginmandu ni Pres. Rodrigo Duterte ang hugot nga pagtutok sang militar sa mga checkpoints sa Mindanao labi na sa Rehiyon 12 nga nagaserbe nga exit point sang mga bakwit gikan sa war town city sang Marawi.
Kaangot sini, sa pag-atubang ni Pres. Duterte sa mga katapu sang 1st Mechanized Infantry Brigade sa Camp Leono Brgy. Kalandagan, Tacurong City, ginpasalamatan sini ang mga suldado sa pagtuman sang ila nga responsibilidad kag gindayaw sa maisog nga pag-atubang sa mga pag-atake sang mga rebelde nga grupo agud nga madepensahan labi na ang bug-os nga probinsya sang Sultan Kudarat.
Samtang, kaangot sini ginmandu ma sang preaidente ang pagpatuman sang hugot pa nga seguridad sa mga checkpoints matapos matukiban nga may nakalusot nga mga bakwit nga may dala nga mga peke nga ID nga ginabaligya sa kantidad nga P100-P300 agud nga makalusot sa checkpoint.
Sa subong, nakig-angot na ang Sultan Kudarat PNP sa mga otoridad sang ARMM matapos matukiban nga ang nagabaligya sini pila man ka mga local officials sa Marawi agud nga maka-income.
