Ginkumpirama sang Russian authorities nga napatay ang isa ka senior Russian general sa nagluntad nga car bombing sa Moscow.
Ini ang ginkilala nga si General Yaroslav Moskalik, ang pinakabag-o nga Russian military commander ukon pro-Kremlin figure nga ginapatihan nga gintarger sang mga Ukrainians nga yara sa sulod sang Russia.
Suno kay Russian Investigations Committee spokeswoman Svetlana Petrenko, naglupok ang isa ka Volkswagen Golf matapos naigo ini sang isa ka improvised explosive device nga may unod nga pellets.
Nagluntad naman ang pag-atake samtang pakadto ang special envoy ni US President Donald Trump nga si Steve Witkoff sa central Moscow nga nakatalana nga makig-storya kay Russian President Vladimir Putin para sa peace talks sa Ukraine.
Una nga ginpahayag ni Russian Foreign Minister Sergey Lavrov nga nakatalana ang Russia nga maghimo sang kasugtanan sa US para mapauntat na ang gyera sa Ukraine apang may pipila kga mga elemento nga kinanglan tapuson.
Sa parte sang Ukraine, ginpahayag ni Kyiv mayor Vitali Klitschko nga posibleng kinanglanon nga ihatag sang ila pungsod ang isa ka teritoryo bilang parte sang peace deal.
