Ginpahayag ni Senador Risa Hontiveros nga seryoso niya gihapon nga ginahunahuna ang posibilidad nga magdalagan bilang Presidente sa Eleksyon 2028, samtang nagahulat pa siya sang desisyon sang iya grupo kag sang iya mga kaalyado.
Nagpahayag si Hontiveros nga bukas siya sa pagdalagan kon siya ang pilion nga kandidato sang United Opposition.
Nagpasalamat man ang senador sa mga bag-o nga inisyatibo sang Akbayan Party-list kag iban pa nga mga grupo nga naglunsyar sang programa nga may tema nga “Risa Na!” bilang pagpakita sang suporta sa iya posible nga kandidatura.
Suno kay Hontiveros, importante nga makapili ang ila hanay sang kandidato nga ginakabig nga pinakakusog kag pinakaangay para sa eleksyon.
Dugang pa niya, nagalaum siya nga makakreer sang paghiusa ang ila grupo antes matapos ang 2026 ukon sa pagsugod sang 2027 agud matumod kon sin-o ang mangin standard bearer sang ila kampo.
Sa pihak nga bahin, madumduman nga nauna na nga nag-anunsyo si Vice President Sara Duterte sang Pebrero 18, 2026 sang iya intensyon nga magdalagan bilang Presidente sa eleksyon sang 2028.
