Liwat nga nakit-an nga magka-upod sa isa ka restaurant sa Italy ang celebrities nga sanday Richard Gutierrez kag Barbie Imperial, nga naggatong naman sa dating rumors.
Gin-post sang Manila Restaurant nga naka-base sa sa Rome ang pictures nanday Richard kag Barbie upod s aila staff.
Si Richard ang nagpadulong sa Italy para sa filming sang upcoming action series nga Incognito. Upod niya sa amo nga proyekto sanday Daniel Padilla, Maris Racal, Anthony Jennings, Kaila Estrada, kag Ian Veneracion.
Si Barbie ang indi kabahin sang cast sang series.
Wala pa nakahatag sang pahayag ang 40 anyos nga si Richard kag 26 anyos nga si Barbie ang real score sa tunga nila nga duha.
Sang nagligad nga Mayo, gin-share sang isa ka netizen ang video sang duha sa South Korea samtang nga nagalagaw.
Ginhambalan ang duha sang Enero matapos nga nakit-an sa isa ka gastropub sa Alabang.
Ang duha ang co-stars sang isa ka natapos na nga show.
Ini ang natabo pila ka bulan matapos nga nagwa ang huring-huring nga bulagay na sanday Richard kag asawa sini nga si Sarah Lahbati.
Sang Marso, gin-confirm ni Sarah nga single na sia kag naga-coparent sa ila mga anak nga sanday Kai kag Zion.
Sanday Richard kag Sarah ang nagpasakal sang 2020 matapos nag-date sang walo ka tuig.
