Ginhingyo ni Akbayan Partylist Rep. Chel Diokno sa House Committee on Justice nga ibalhin sa ila kustodiya si Madriaga, ang kasamtangan nakapriso kag ginpahayag nga bagman kag anay aide ni Vice President Sara Duterte, bangud sa pamahog sa iya seguridad.
Suno kay Diokno, isa si Madriaga ka material witness sa impeachment proceedings batok sa Bise Presidente kag dapat makahatag sang testimoniya sa husto nga oras.
Sa karon, nakakulong siya sa BJMP sa Camp Bagong Diwa, Bicutan, Taguig.
Nagmosyon man si Diokno para sa pag-isyu sang subpoena duces tecum para sa mga dokumento kag ebidensya halin sa Ombudsman, Anti-Money Laundering Council, kag NBI, lakip ang SALN sang VP halin 2007–2025, mga makaduluda nga transaksyon, kag imbestigasyon sang mga pamahog ni VP Sara batok kay President Ferdinand Marcos Jr., First Lady Liza Araneta-Marcos, kag anay House Speaker Martin Romualdez.
Pagatalakayon ini sang Committee on Justice sa masunod nga semana bilang pag-umpisa sang pormal nga tion sang pagkuha sang ebidensya kag opisyal nga rekord.
