Gina-enganyo sang Department of Transportation (DOTr) ang public utility vehicle (PUV) drivers kag operators nga wala pa naka-comply sa consolidation requirement sang PUV Modernization Program nga mag-avail sang opurtunidad nga mag-apply para sa consolidation sa Oktubre 18 tubtob Nobyembre 29.
Ini ang kasunod sang pag-anunsiyo sang DOTr sang liwat nga pagbukas sang application para sa consolidation matapos ang apelar sang mga mamalidha.
Suno kay Ortega, samtang ginarespeto nila ang desisyon sang pila ka lider sang transport groups nga indi mag-comply, nakahanda sa gihapon ang gobyerno nga magbulig sa ila mga myembro nga mahimo nga magbag-o ang pinsar.
Una na nga ginpahayag sang LTFRB nga masobra 83 percent sang PUV sa bilog nga pungsod ang naka-consolidate na. Nagalaum ang gobyerno nga madugangan ini sang 7 tubtob 10 percent sa reopening sang programa.
