Mas ginpasangkad pa sa subong sang mga kapulisan sa Police Regional Office 12 ang operasyon batok sa mga smuggled nga mga sigarilyo nga naga tuyo magsulod sa rehiyon.
Ini ang ginkumpirma sa Bombo radyo ni PMaj. Rissa Heranez- RPIO-12.
Suno sa opisyal, mas ginpasangkad pa sa subong kag mas ginpahugot sang mga kapulisan sang tanan nga mga tikang agud nga malikawan ang paglapta sa illegal kag smuggled nga mga sigarilyo sa rehiyon.
Madumduman nga sa uli nga operasyon sang mga otoridad,naglab-ot sa balor sang P1 million pesos nga smuggled cigarettes ang ginbalabagan sang PNP sa Maguindanao del Norte.
Ginbalabagan sang kapulisan sa anti-smuggling operation ang 42 nga smuggled cigarettes samtang yara sa checkpoint sa Barangay Nituan, Parang, Maguindanao del Norte nga ginapangunahan sang Police Regional Drug Enforcement Unit o RDEU ni Lt.Col Jackson Lopez kaupod ang Regional Mobile Force Battalion 14-A, Parang PNP at ang 1st Provincial Mobile Force Company.
Ginkilala sang PNP ang suspek nga si alyas “Mark”, 28-anyos na taga Barangay Tambara, Malabang, Lanao del Sur.
Ginabalabagan sang kapulisan ang iya salakyan nga puti nga Suzuki Multicab sa checkpoint sang may dala ini nga smuggled cigarettes nga wala sang dokumento.
Suno sini, nadakpan nga yara sa hindi makulang P1.18 million pesos ang nakumpiskar nga smuggled cigaettes.
Sa karon, ang suspek yara na sa Parang PNP kag magaatubang sang kaso batok sa iya.
