KORONADAL CITY- Nagatutok man ang simbahang katolika sa tikang ni Pres. Rodrigo Duterte sa pagpatuman sang deployment ban sa mga Overseas Filipino Workers sa pungsod Kuwait.
Sa ekslusibo nga interbyu sang Bombo Radyo Koronadal kay Bishop Dinualdo D. Gutierrez, Diocese of Marbel, nagapati ini nga may nagakaigo na rason si Pres. Duterte rason nga nadesisyunan nga i-ban ang pagpadala sang mga trabahante nga pinoy sa Kuwait bangud sa pagpang-abuso kag asud-asod nga mga balita angot sa brutal nga pagpatay sa mga OFWs kun sa diin madamo sang mga kaso ang unresolved.
Dugang pa sini nga kun ini ang makapaayo sa mga OFWs agud indi mabutang sa ital-ital ang ila nga mga kabuhi kag di na madugangan pa ang numero sang mga nga mga OFWs nga malamig na nga bangkay nga nagapauli, suportado nila ini.
Nagakadapat man nga mahatagan sang hustisya ang kamatayon sang mga OFWs nga biktima sang mga pagpang-abuso kasubong nalang ni Joanna Daniela Dimafelis nga ginpatay kag ginsulod sa freezer kag natukiban nalang masobra isa ka tuig na ang nakaligad
