KORONADAL CITY – Mahimo nga mapasakaan sang patong patong nga kaso kag posible man nga makakas sang trabaho ang isa ka Police Corporal nga nagluthang patay sa isa ka sekyu sa diin pilason man nga ginluthang sini nga nga duha ka mga pulis.
Ini ang nangin pahayag ni PMaj. Rissa Hernaez- Regional Public Information Officer sang PRO-12 sa interview sang Bombo Radyo Koronadal.
Suno sa iya, posible nga dako ang mangin salabton sa kasuguan ni PCpl. Alfred Dawatan Sabas, nga nakadestino sa Police Station 7 sa Gensan makaligad nga nakomiter sini ang krimen.
Ginkilala ni Hernaez, ang biktima nga si Reynaldo Bigno Jr., security guard sang Toril, residente sang Sitio Flortam, Batasan, Makilala, Cotabato.
Nahibaluan nga pagkatapos sang pagpangluthang, ginsilingan sang suspek nga si PCpl. Alfred Dawatan Sabas, nga nakadestino sa Police Station 7 sa Gensan, nga ipadayon ang pagbyahe.
Suno saiya, sang nag-abot ini sa bahin sang border checkpoint sang 1104th RMFB 11 sa bahin sang Kinuskusan, Bansalan, Davao del Sur, ginmanduan sang suspek and driver sang bus nga mangayo sang bulig.
Apang, kuntani mangayo sang bulig, gin pangpamusil naman ni Cpl. Sabas ang mga pulisya sa checkpoint.
Gindala naman sa balay bululngan ang mga pilason nga 2 ka kapulisan amo sanday PCpl Keneth Maurith Ramos kag PCL Russel Love Tapia nga sa karon nagapaayo na.
Suno sa inisyal nga imbestigasyon, kaupod ni Cpl. Sabas ang iya ka livein partner apang gintukar ini sang iya anxiety kag nakainom man sang makahululubog nga ilimnon ang nasambit nga suspek amo rason nga wala ini sa tama nga pag iisip kag nag luntad sang pagpamusil sang suspek sa isa ka pasahero.
Sa karon, yara na sa kustodiya ang nasambit nga pulis ilang suspek para sa mas madalom nga imbestigasyon kag disposasyon sa kaso nga ipasaka batok saiya.
Ginpahayag naman sang opisyal nga hindi magkabalaka ang mga sibilyan kag padayon ang igatahag nga maayo nga serbisyo sang mga kapulisan.
