Gina-kondenar sang PNP XII ang insidente sang gina-alegar nga pagpanglugos sang isa ka Police Master Sergeant sa isa 17 anyos nga dalagita sa General Santos City.
Ginpatutukan naman ni Police Brigadier General Arnold P. Ardiente, ang Acting Regional Director sang PRO XII ang nasambit nga insidente.
Suno kay Ardiente, ginpatawag sini ang nasambit nga pulis kag gin-reprimandahan ang mga opisyal sang General Santos City Police Office kun ano ang rason sang pagkadelatar sang nasambit nga reklamo.
Sa dugang, gin-reprimand man ni PBGen Ardiente ang mga unang ginpalapitan sang biktima nga police station bangud sa kakulangan sang aksyon sa nasambit nga kaso.
Sa kasamtangan, yara na Ang suspek sa restricted custody sang General Santos City PNP kag na-disarmahan. Magapang-atubang naman ang nasambit nga pulis sa mga kaso nga kriminal kag administratibo.
Madasun man nga nagpatigayon sang drug testing sa nasambit nga pulis.
Gintagaan man sang punto ni PBrig. General Ardiente nga wala sang ligwa sa kwerpo sang mga kapulisan ang biskan ano nga sahi sang krimen .
