PNP 12 ginpaklaro nga checkpoint style ang ginhimo sang NPA sa PSG attack sa NoCot

KORONADAL CITY– Nagapadayon ang imbestigasyin sang PNP region 12 sa nagluntad nga engwentro sa tunga sang mga katapo sang Presidential Security Group (PSG) kag New People’s Army sa Arakan North Cotabao.

Sa interbyu sang Bombo Radyo Koronadal kay Pol. Supt Romeo Galgo PNP 12 information officer, sa inisyal nga imbestigasyon 6 ang pilason nga ginalakipan sang 5 ka PSG kag 1 ka Cafgu samtang may isa man suno pa ka cafgu ang patay.

Nagluntad suno pa ang engkwentro sang ginbalabagan sang NPA ang convoy sang PSG kun sa diin natalupangdan sang PSG nga mga katapo sang NPA ang nagapatigayon sang checkpoint nga nagresulta sa pagbunggo nila sa mga rebelde.

Nahibaluan nga ang mga pilason ang yara na sa maayo nga kahimtangan.