KORONADAL CITY- Nagaluha nga nagpalapit sa waragwagan sang Bombo Radyo Koronadal ang mag-asawa halin sa syudad agud magpabulig sa gina-eksperyensyahan sang bata nga isa ka OFW sa Riyadh, Saudi Arabia nga ginkilala kay Evelyn Toralde, 32 anyos.
Sa panalaysayon ni Ginang Marilyn Arac, residente sang Brgy. San Jose, Koronadal City, isa ka bula pa lamang suno pa ang bata sini sa Riyadh apang padayon ang ila komunikasyon.
Nagareklamo na suno pa si Evelyn bangud sa kontrata sini bilang DH walo-napulo ka oras lamang ang trabaho sini apang nagalab-ot sa halos 20 oras kada adalw ang trabaho sini.
Magluwas diri, walo nga pamilya man suno pa ang iya ginaserbehan kalakip na ang lapsag.
Bangud suno pa sa kadamuon sang trabaho sini, nagakapilas na ang iya kamot nga amo ang ginareklamo sini.
Ini naman suno pa ang nagtulod sa mag-asawa agud ipalab-ot sa Bombo Radyo ang problema bnagud sa kadamuon man sang nabuligan na sini.
Kaangot sini, gilayon naman nga gin-aksyunan sang Bombo Radyo ang nasambit nga problema sa bulig man ni Middle Eas Correspondent Boyet Forro kag ginaproseso na ang dokumento nga kinahanglanon agud mapalapit ang problema sa talatapan sang embahada kag Philippine Overseas Labor Office sa nasambit nga pungsod.
