Apat pa lamang sa kinahanglan nga siyam ka senador ang lumalagda sa partial report sang Senate Blue Ribbon Committee parte sa imbestigasyon sa ginahambal nga anomalya sa flood control projects.
Suno kay Senate President Pro Tempore Panfilo “Ping” Lacson, nga chairman man sang komite, bukod sa iya, lumagda na man sina Senator Risa Hontiveros, Francis “Kiko” Pangilinan, kag Bam Aquino sa draft report nga ginpamahagi sa mga senador sang ika-11 sang Pebrero.
Kon makuha ang pirma sang mayorya sang komite ukon siyam ka senador, ihaharap ang ulat sa plenaryo sang Senado para pagdedebatehan antes ini tuluyang pagtibayin. Bangod sini, nagpanawagan si Lacson sa iban pa nga miyembro sang komite nga basahon kag lagdaan ang report agud mapresentar na ini sa plenaryo.
Ang Blue Ribbon Committee ginabuo sang 17 ka senador, lakip na sina Senator Erwin Tulfo, JV Ejercito, Pia Cayetano, Win Gatchalian, Lito Lapid, Loren Legarda, Raffy Tulfo, Mark Villar, Joel Villanueva, Rodante Marcoleta, Robin Padilla, Jinggoy Estrada, Bong Go, kag Imee Marcos.
Si Senator Rodante Marcoleta, nga nagakwestyon sa nagapadayon nga imbestigasyon sang komite sa flood control scandal, klaro nga nagsiling nga indi niya pipirmahan ang nasambit nga partial report.
Matatandaan nga nag-abot sa mainit nga diskusyon ang duha ka senador sa plenaryo sang Senado matapos punahin ni Marcoleta ang ginahambal nga kulang pa nga kabuuan sang report sang komite. Wala man daw pirma ni Lacson ang dokumento nga ginpadala sa iya.
Apang paglilinaw ni Lacson, may 20 ka hard copies sang report nga ginpamahagi kag hiwalay ang pahina para sa pirma. Suno sa iya, ginpahibalo sa mga staff sang mga senador nga ara sa iya opisina ang hard copy nga may pirma niya.
Samtang makumpleto ang mga pirma, ginapaabot nga ihaharap sa plenaryo ang ulat nga nagarekomendar sang mas lawig nga imbestigasyon sa pila ka indibidwal, lakip na ang pila ka mataas nga opisyal sa gobyerno, nga ginahambal nga may koneksyon sa mga kwestiyonableng flood control projects.
