KORONADAL CITY – Tubtob sa subong yara sa state of shock kag traumatic sa gihapon ang pamilya kag mga himata sang 8 anyos nga Grade 2 nga estudyante nga napatay makaligad matuslok sang taliwis nga kahoy samtang nagahampang ini sa suba sa banwa sang Norala, South Cotabato.
Suno sa lola ni alyas Jast nga si Vilma Millo, indi sila makapati nga amo na lamang ang pagadangtan sang iya pinalangga nga apo.
Suno kay lola Vilma, gindiretso nila ang bangkay ni Jast sa puloy-an sa baylo sa punerarya makaligad nagtaliwan sa ospital bangud wala sila nakahibalo kun ano ang ila pagahimoon kag tuman suno pa kalayo.
Emosyonal man ini nga nagpasalamat sa mga nagbulig sa ila labi na nga pigado lamang sila.
Nahibaloan nga naka-enroll na si Jast kun sa diin suno kay Lower Tinago Elementary School principal Richard Padernal, gindul-ongan pa nila sang learner enrollment form ang puloy-an sang bata.
Suno kay Padernal, tuman suno pa ini ka-aktibo sa mga aktibidad kun sa diin makit-an ini sa kada laragway.
Tuman ang iya kakibot kag kasubo sang nabalitaan ang pagtaliwan sang nasambit nga bata.
