KORONADAL CITY – Nagpatuman ang pungsod Japan sang sanction batok naman sa pungsod Russia bangid sa ila ginhimo nga paglusob naman sa pungsod Ukraine.
Ini ang ginpahayag ni Josel Palma, Bombo International News Correspondent to Japan sa interbyu sang Bombo Radyo Koronadal.
Suno sa iya, nagpanindugan ang ila nga Prime Minister nga amo naman si Fumio Kishida nga mahimo nga i ban ang pungsod Russia sa ila nga lugar.
Lakip sa mga sanction sang Japan sa Russia ang pagdumili man sa pag isyu sang mga Russian bond, kag pagdumili nga pagpasulod sa mga taga Russian.
Ginpahayag ni Palma nga nahimo suno pa ini sang ila nga Prime Minister bangud nakahatag sang pagkaulamid ang aksyon nga ginhimo naman sang Russia batok naman sa Ukraine.
Gindugang pa sini nga apisar nga nagadepende man ang Japan sang mga fuel o kun oil sa Russia, wala man ini nagakabalaka bangud may yara man sang insakto nga gatong kag liquefied natural gas ang pungsod agud nga indi makaangkon sang dako nga epekto naman sa supply sang energy sa pungsod Japan.
Sa karon, magapabilin sa gihapon ang Japan sa pakig angot naman sa nagkalain lain nga pungsod sa G7 apisar nga nagapadayon ang tensyon// Sa tion naman nga maglala ang tensyon kag sitwasyon sang duha ka pungsod, magahimo naman sang aksyon ang Pungsod Japan para naman sa nagakaangay nga aksyon para sa nasambit nga kinagamo.
