Nakilal-an na sang mga otoridad ang identidad sang duwa ka suspek sa pag pangluthang matapos patay ang isa ka salon owner sa ila nga pwesto sa bahin sang Daproza Street, General Santos City Pasado 6:55 kagab-i sang Miyerkules, Enero 15, 2025.
Ini ginkumpirmar ni PCpt. Cyrus Vince Arro sang Pendatun Police Station.
Apang, wala pa ginsapubliko sang mga otoridad ang mga pangalan bangud padayon gihapon ang ila ahensya sa pag imbestiga kag hot pursuit operation agud madakpan ang mga suspek.
Ginkilala ang biktima nga si Renante Tampus, 34-Anyos residente sang Uhaw, Brgy. Fatima sa nasambit nga syudad.
Nagsulod ang isa ka suspek nga bigla ini nag bunot sang armas-luthang kag nag pamusil sa sulod sang salon.
Makit-an sa CCTV footage, nga kapila pa suno pa ang gawas-sulod sang suspect agud masiguro nga maigo sini ang biktima.
Matapos ang pagpamusil sang nasambit nga gunman, nagpalagyo ini gamit ang isa ka motorsiklo kag upod sini ang isa ka suspek amo ang look-out.
Samtang gindala naman ang biktima sa balay bulungan apang ginbawian na sang kabuhi.
Narekober naman sa crime scene ang mga basyo ka bala sang Cal.35 kag Cal .38.
Suno sa imbestigasyon, personal grudge naman ang nakit-an nga motibo sa pagpangluthang-patay bangud base sa partner sang salon owner, nakabaton na si Tampus sang madamo nga death threats humalin sa mga anay nga kasosyo sa negosyo.
Sa karon, padayon gihapon ang hot pursuit operation sang mga otoridad agud madakpan na ang mga suspek kag mapasakaan sang kaso nga murder.
