KORONADAL CITY – Ginbuyagyag ni Surigao del Sur Governor Alexander Pimentel nga isa ka alkalde ang nagapanag-iya sang resort nga ginataguan ni KAPA founder Joel Apolinario kag mga kaupdanan sini.
Sa eksklusibo nga interbyu sang Bombo Radyo Koronadal kay Governor Pimentel, nagpatigayon sang search operation ang mga kapulisan sa lugar nga ginataguan sini kag kun sa diin nadakpan ang mga ini nakumpiskar diri ang mga matag-as nga mga sahi sang armas.
Ginpakigbahin sini nga iya gintawagan ang alkalde kag wala suno pa ini sang ihibalo nga didto ini nagapuyo, depensa naman sini nga madugay na nga ginbaligya sang alkalde sang Lingig ang nasambit nga resort kag posible nga nabakal ni Apolinario usar ang isa ka dummy account.
Nagpahunodum naman ang gobernador sa tanan nga dapat maghalong sa mga ginasudlan nga investment kasubong sang nangin operasyon sang KAPA nga madamo ang na biktima kag nangin apektado.
