Paghidaet kag paghigugma sa Diyos, dapat mangin sentro sa obserbasyon sang Holy Week- Bishop Gutierrez

KORONADAL CITY- Mensahe sang paghidaet kag paghigugma sa Diyos ang dapat nga mangin sentro sa obserbasyon sang Semana Santa.

Ini ang ginpahayag ni Bishop Dinualdo Gutierrez sang Diocese of Marbel.

Suno kay Bishop Gutierrez, kinahanglan nga preparahan naton sang maayo ang palaabuton nga selebrasyon sang paskuwa ukon pagkabanhaw ni Jesus.

Matuman lamang ini paagi sa aton himpit nga pagpangamuyo, pagbalik sa Diyos kag paghinulsol sang aton mga sala.

Dapat man suno pa nga maghimo sang maayo kag magbulig sa mga nagakinahanglan.

Gintawag naman sini nga ABA ang paayo sa pag-obserbar sang Holy Week nga nagakahulugan sang Ampo,Bag-o at Alagad (ABA).