KORONADAL CITY – Preparado na ang City Traffic Management Office sang siyudad sang Koronadal sa pagbantay sa dalanon sa palaabuton nga weeklong celebration sang 25th Tnalak festival kag 58th founding anniversary sang South Cotabato.
Ini ang ginpasiguro ni PMSgt. Leo Dimaculangan, City Traffic Investigator sang Koronadal sa interview sang Bombo Radyo.
Suno kay Dimaculangan, nagsugod na sila sa pag-deploy sang mga traffic enforcers sa mga matawo nga lugar sa siyudad ilabi na sa mga area nga madamo sang tawo.
Dugang pa ni Dimaculangan, ang pagdeploy sang mga traffic enforcers ang bilang preparasyon sa gina-anticipate nga pagtaas sang vehicular accident bangud man sa madamo nga aktibidad sang kafiestahan.
Kaangot sini, nagpahanumdom si Dimaculangan sa tanan nga maghalong sa pagmaneho ilabi na subong nga madanlog ang dalan bangud sa masami nga pagbuhos sang ulan.
Dugang pa sini, indi man dapat nga magmaneho kun nakainom agud makalikaw sa disgrasya.
