KORONADAL CITY – Nagapatigayon sang operasyon batuk sa ginapatihan nga mga remnants ni Mohammad Jaafar Maguid, alyas Tokboy nga lider sang Ansar Khilafa Philippines nga isa ka local terrorist group kag ISIS sympathizer sa banwa sang Polomolok South Cotabato.
Ini ang ginkumpirmar ni PSSUPT. Joel Limson, provincial director sang South Cotabato sa interbyu sang Bombo Radyo Koronadal.
Suno kay Limson, padayon ang ginahimo nga pagpanghadlok sang grupo sang mga armado sa pila ka barangay sa mga banwa sang Polomolok kag Tupi ra son nga wala man nagauntat sa pagpatigayon sang operasyon ang mga kapulisan.
Kaangot sini, wala man ginatugutan sang PNP nga maka-angkon sang spill over ang natabo nga pagpasigabong sa Cotabato City nga nagbilin sang 2 ka patay samtang masobra 30 ang napilasan.
Aminado man ang opisyal nga apektado sang travel advisory ang South Cotabato bangud kaiping nga lugar ini sang nasambit nga syudad.
