KORONADAL CITY– Nagapabulig ang isa ka Overseas Filipino Worker sa pungsod Kuwait bangud sa naeksperyensyahan nga pagpangmaltrato sang iya amo.
Sa ekslusibo nga interbyu sang Bombo Radyo Koronadal sa nasambit nga OFW ginkilala ini kay Loveborn Defensor Faja yara sa legal nga edad kag residente sang Brgy. M. Roxas, Sto. Niño South Cotabato kag isa ka tuig pa lamang sa iya nga trabaho.
Suno sa biktima, ginsakit siya sang amo sang nagligad nga Hulyo 31, 2017 matapos ini nga pasibangdan nga ginapabay-an ang iya nga alaga matapos ginmanduan sang ama nga magplantsa sang bayo.
Ginguramos suno pa ini kag ginsumbag sang amo sa iya nga tangkugo kag nadulaan pa sang animo.
Maayo na lamang kag indi ini napuruhan apang tubtub sa subong trauma sa gihapon ini.
Nahibaluan nga nagsugid na ini sa iya nga agency nga M’nahi Manpower Services sa Kuwait apang ginmanduan pa ini nga magpalagyo na lamang bangud indi suno pa ini masarangan nga i-rescue rason nga mas ginpili nga magpabilin nalang sa iya amo agud nga indi na maglala pa ang iya nga problema kag nagpangayo nalang sang bulig sa Bombo Radyo.
Sa subong wala pa sang sabat ang local agency sini nga Kingdom Manpower Agency nga nakabase sa General Santos City.
