KORONADAL CITY- Ginpasiguro sang Philippine Overseas Labor Office sa Kuwait ang pag-asikaso sa Pinay DH gikan Banga, South Cotabato nga na-coma kag naka-confine sa isa ka hospital didto.
Ini makaligad nga nabisita na sang case officer sang POLO sa Kuwait ang Pinay DH nga si Nelia Remegio sa Mubarak al-Kabeer Hospital.
Sa impormasyon nga ginpalab-ot ni Bombo Correspondent Boyet Forro, gilayon ini nga nakig-angko sa Philippine Overseas Labor Office sa Kuwait agud nga makumpirmar ang sitwasyon sang nasambit nga Pinay DH.
Madali naman nga nakit-an ang hospital nga gindal-an kay Remegio kun diin nagpromisa ang mga employer sini nga pagaasikasuhon kag buligan ang Pinay DH.
Nahibaluan nga gindala sa hospital si Remegio matapos nga ma-heat stroke nga gintunaan sang pagka-coma sini.
Sa subong naghilisugot na ang duha ka bahin para sa iya nga recovery kag sa pagpabalik sa Pilipinas.
Lubos naman ang pagpasalamat sang pamilya Remegio sa maayo nga balita.
Madumduman nga sang nagligad nga adlaw lang sang nagpalapit sa Bombo Radyo Koronadal ang utod ni Nelia nga si Jobert Remegio agud nga mahibaluan ang sitwasyon sini kag mabuligan.
