KORONADAL CITY – Nagapangayu sa subong sang bulig ang isaka OFW nga taga-syudad sang Koronadal bangud nagpositibo ini sa Covid-19 makaligad ng nahawaan sang iya nga amo sa Alkharji Riyadh, Saudi Arabia.
Ini ang kompermar sang iloy sini nga si Gng. Esperanza Flores sa interview sang Bombo Radyo Koronadal.
Gikilala ang OFW nga si Anabelle A. Flores,45 anyos nga taga-Bo.7 , Koronadal kag kasamtangan nga yara sa Alkharji Riyadh, Saudi Arabia.
Dugang pa sang iloy sini, manug tatlo na ka tuig kuntani si Anabelle nga naga trabo sa iya nga mga amo kag nakatalana nga magpuli sa pungsod apang wala ini ginbaklan sang plane ticket sang employer sini bangud suno pa mahal ang presyo sini.
Sa pahayag man ni Anabelle, makita nga naga panghina na ino bangud sa iya nga balatian kag sa baylo nga ipabulong ini, ginkulong si Anabelle sa 3rd floor sa balay sang iya nga employer kag wala pa ginapakaun sang pila ka adlaw apesar gabalatian pa ini.
Sa subong naga pangayo sang bulig ang nasambit nga OFW para marescue kag makapuli na ini.
