KORONADAL CITY- Nagakinahanglan sang gilayon nag bulig ang isa ka may sakit nga Overseas Filipino Worker sa Saudi Arabia bangud sa indi maayo nga gindangatan sini sa kamot sang iya amo.
Ginkilala ang nasambit nga OFW kay Alicia Gandol Simpal yara sa legal nga edad kag residente sang Tupi, South Cotabato kun sa diin naga trabaho ini bilang isa ka kabulig sa Alhasa All Salmiya sa pungsod Saudi Arabia.
Sa mensahe nga ginpalab-ot sini sa Bombo Radyo, nagbalatian suno pa ini kun sa diin nagpakitluoy man sa amo nga makapauli nalang sa Pilipinas kag dire magpabulong apang sa baylo nga papulion, gin eksperimentuhan pa ini sang nagkalain lain nga bulong nga ginapatumar sa iya.
Luwas sina, ginakahadlok man sini ang mga gina inject sa iya nga mga bulong kun sa diin tagsa magpamalibad ini, sya ang ginakulata sang iya amo nga lalaki.
Talulupangdon man nga amat-amat ini nga nagaluya kag dako man ang ginpayat sini.
