Naka-record sang pinakamataas nga baligya ang industriya sang salakyan sa pungsod sang nagligad nga tuig.
Suno sa datos sang Chamber of Automotive Manufacturers of the Philippines Inc. (CAMPI) kag ang Truck Manufacturers Association (TMA), may kabug-osan nga 467, 252 ka mga unit ang nabaligya.
Ang nasambit nga numero mas mataas kon ikumpara sa 2023 nga may 429,807 ka mga unit.
Suno kay CAMPI president Rommel Gutierrez, ang maayo nga resulta sang Disyembre nagapamatuod sang padayon nga pagsaka sa sang industriya.
Ang mga pampasahero nga salakyan nga nabaligya nagsaka sang 10.5 porsyento ukon kapin 120,770 ka mga unit sang 2024 halin sa 109,264 ka mga unit sang nagligad nga 2023.
Samtang ang komersyal nga salakyan nagsaka sang sobra walo ka porsyento nga 346,482 ka mga unit sang 2024 kon ikumpara sa 320,543 ka mga unit sang 2023.
Nagalaum ang grupo nga sa sini nga tuig mas mataas pa ang numero sang mga salakyan nga ila mabaligya.
