KORONADAL CITY – Ginalauman nga madugangan pa ang numero sang mga nagbakwit nga mga pumuluyo sa Tulunan, North Cotabato.
Nahibaluan nga pinakasentro sang gina eksperyensya nga pagtay-og sang linog ilabi na ang natabo kahapon sang aga nga Magnitude 6.6 ang nasambit nga banwa kun sa diin may masobra 17,000 na ka indibidwal nga apektado.
Sa interbyu sang Bombo Radyo Koronadal kay Tulunan, North Cotabato Vice Mayor Maureen Villamor, padayon ang ila pagtutok sa mga pumuluyo sa ground ilabi na ang mga residente nga kasamtangan sa temporary shelter ukon tents naga -istar.
Problema nila subong ang mga pagkaon, malimpyo nga tubig, bayo, first aid kits sang mga apektado nga residente.
Gin-awhag sini ang mga residente nga kun pwede magpabilin anay sa gawas sang puluy-an kag alerto bangud indi mahibaluan ang pag igo sang linog.
Nahibaluan nga limitado man ang bulig nga naga abot sa nasambit nga mga lugar ilabi pa nga wala sang maayo nga komunikasyon sa nasambit nga banwa bangud sa linog.
Nagapangabay man ini nga kun tani mapadasigan ang bulig sa mga apektado
