KORONADAL CITY- Patay ang isa ka NPA surrenderee sa Isulan Sultan Kudarat makaligad maghana nga kawatan ang Isulan Police Station.
Suno kay Bombo Correspondent Larry Geronio, ang nasambit nga NPA surrenderee amuh si Arvee Bocani Encarnado, 21 anyos nga residente sang Sitio Kibang Brgy. Ned Lake Sebu South Cotabato nga ginkustodiya sang Isulan PNP makaligad magsungka sa mga otoridad.
Nahibaluan nga temporaryo nga naga-istar si Encarnado sa 3rd Floor sang Police Station kun sa diin ginsaligan na ini sang mga pulis apang sini nga nakaligad lang nga gab-i ginhana sini nga kawaton ang 2 M16 armalite rifles pinaagi sa paghigot sang mga armas kag amat-amat nga ginpapanaog halin sa bintana sang police station.
Nakit-an suno pa ini ni PCI Rodner Benota rason nga ginsita niya ini kag gilayon nga nagpalagyo pagwa sa police station ang suspek kun sa diin nagpatigayon sang hot pursuit operation batuk sa iya.
Naabtan si Encarnado sa isa ka talamnan kag didto naghatag sang warning shot ang mga pulis apang ginhana pa sini nga habuyan sang granada ang tropa apang bag-o pa man nahaboy sa mga pulis ang granada naglupok na ini sa iya kamot.
Nawasak ang lawas sang suspek nga gintunaan sang iya kamatayon.
