KORONADAL CITY- Nahulog sa mga kamot sang kapulisan ang mag utod nga mga notorious nga kawatan makaligad nga nadakpan ang mga ini sa isa ka checkpiont sa bahin sang Brgy. Tuato, President Quirino, Sultan Kudarat.
Ini ang ginpahayag ni PLt. Godofredo Tupaz, DCOP sang President Quirino MPS sa interview sang Bombo Radyo Koronadal.
Suno sa opisyal, nadakpan ang mga persona nga mag-utod nga ginkilala nga sanday Alvin Baud Empa kag Argie Baud Empa yara sa husto nga pangidaron kag lunsay nga mga residente sang Pandag, Maguindanao.
Sandig sa imbestigasyon sang mga otoridad, nadakpan ang nasambit nga mga suspek bangud nagduha-duha ang mga ini sa pag-agi sa checkpoint sang mga kapulisan, kabangdanan nga ginpalapitan ang mga ini sang kapulisan kag nakumpiskahan sang armasluthang,mga bala , granada kag ginapatihan nga shabu sa ila nga paghinakop lakip man ang Yamaha Aerox nga ginasakyan sang suspek.
Madasig naman nga nagpahibalo ang mga otoridad sa iban pa nga lugar para sa ihibalo sang mga ini kag natukiban sang President Quirino PNP nga may mga naglabay pa ang mga lugar nga ginapangita ang mag-utod bangud sa kaso sang pagpangawat sa diin lakip ang pila ka banwa sang South Cotabato kag North Cotabato.
Sa subong ara na sa carcel sang President Quirino PNP ang mag utod nga suspek kag natalana naman nga pagapasakaan sang naga kaigo nga kaso.
