Ginrekomendar sang National Bureau of Investigation (NBI) sa Department of Justice (DOJ) ang pagsang-at sang mga kaso nga kriminal batok kay anay Ateneo De Manila University men’s basketball head coach Thomas Anthony “Tab” Baldwin kag 10 pa ka indibidwal may kaangtanan sa pagkapatay sang duha ka tawo sa team building sang koponan sa Dipaculao, Aurora sang Hunyo.
Suno sa NBI Task Force Baterbonia kag Adili, ginrekomendar ang kaso nga reckless imprudence resulting in two counts of homicide batok kay Baldwin, pila ka coaches, kag Ateneo physical therapist bangud sa insidente nga ginresulta sa pagkapatay nanday Rene Baterbonia kag Divine Adili.
Ginrekomendar man ang simple negligence resulting in two counts of homicide batok sa Ateneo athletic director kag mga tag-iya kag manager sang resort nga ginhiwatan sang team building.
Ang rekomendasyon naghalin sa imbestigasyon sang NBI Homicide Division may kaangtanan sa insidente sang pagkalumos sang Hunyo 8.
