-- ADVERTISEMENT --
Ginpamulta sang NBA si Oklahoma City Thunder forward Jalen Williams bangud sa pagsul-ob niya sang bayo nga may malaw-ay nga mensahe.
Natabo ang insidente pagkatapos sang Game 7 sa tunga sang Thunder kag Denver Nuggets, kun sa diin napirdi sang Oklahoma ang 2023 NBA champion.
Pagkatapos sang hampang, nagtambong si Williams sa regular nga postgame press conference nga nagsul-ob sang puti nga inner shirt nga may malaw-ay nga mga tinaga.
Bisan pa nga wala nagsiling si Williams sang malaw-ay nga mga tinaga, ginkilala sang NBA ang iya ginhimo bilang isa ka sala, kag ginpamulta siya sang $25,000.
Sa subong nga season, may average si Williams nga 21.6 puntos, 5.3 rebounds, kag 5.1 assists kada hampang.
