KORONADAL CITY- Indi gyapon mabaton sang pakaisa sang biktima sa nagluntad nga pagpanglabo-patay sa Lake Sebu South Cotabato ang nadangatan sang iya naman nga bayaw nga kung sa diin wala kalooy ini nga ginpatay sang iya kaugalingon nga bana.
Sa interbyu sang Bombo Radyo Koronadal kay Ms. Cheta Sulan, Pakaisa sang Suspek nga si Julie Kabansil Kuyan, ginsaysay sini ang iya nga nakit an sang tion nga nagluntad ang makabig nga makahiridlis nga krimen.
Suno sa iya, nagapanyaga suno pa sila upod ang iya nga bayaw nga si Marina Klading Kuyan sang tion nga gintawag daw ini ni Julie, kag sa tion nga yadtu, nagluntad ang indi makapatihan nga krimen.
Nabatian pa ni manang Cheta nga nagabaisay ang mag asawa kag nagasinggitan ang biktima, sang tion nga ginpalapitan ini nakibot na lamang siya sa iya nga nakita nga wala na sang ulo ang iya nga pakaisa kag daw gintad tad kalabo ini sang iya nga pakaisa.
Gilayon suno siya nga nagpalagyo kay kulukasubong nga ilamita man siya kalabo sa iya nga pakaisa.
Mabuot suno pa ang iya nga pakaisa mangin man ang iya nga bayaw, apang antes pa man nagluntad ang Krimen, may yara na sang indi maayo nga paghangpanay nga mag asawa nga naglab ot sa ginbayaan na sang biktima ang suspek bangud permi lamang siya ginasakit sini bangud sa selos kag may yara sang gina suprer nga balatian naman sa paminsaron.
Sa karon, sakit gihapon batunon para kay Manang Cheta kag tuman gid ang kalooy niya sa iya naman nga mga hinablos nga magadako nga wala na sang ginikanan.
