Ginpanigwala sang Movie and Television Review and Classification Board (MTRCB) ang ginhimo nga pag-rebyu sa kontrobersiyal nga pelikula nga “The Rapists of Pepsi Paloma” ni Direk Darryl Yap.
Sa ginpgwas nga statement sang MTRCB sang Miyerkules, Enero 29, ginpaklaro sini nga indi tuod nga ila ginrebyu ang pelikula.
Suno saila, wala gindawat sang MTRCB Registration Unit ang mga materyales nga ginsumiter sang online streaming service nga Pinoyflix bangod indi ini kumpleto.
Kabilang diri ang 3 dokumento nga ginpasusumiter sang MTRCB Legal Affairs Division ang Certificate ukon Clearance nga wala sang nagahulat nga kaso nga criminal halin sa Department of Justice at Certificate ukon Clearance nga wala sang nagahulat nga kaso nga administratibo halin sa Office of the City Prosecutor.
Bilang parte man sang standard review process, nakig-angot na ang Legal Affairs Division sang MTRCB sa distributor agud ipahibalo ang mga kulang nga requirements.
Nanindugan man ang MTRCB nga indi sini baliwalaon ang sala nga impormasyon kag bisan ano man nga pangguba sa reputasyon kag mandaatu sini nga proteksyunan ang interes sang publiko.
Ginpunto man sang ahensiya nga ila paga-aksyunan ang bisan ano nga pagpakalat sang sala nga impormasyon sa laye.
