KORONADAL CITY – Yara na sa kustodiya sang mga otoridad ang isa ka most wanted nga may patong sa ulo nga Php135,000.00 matapos nga maaresto sang mga otoridad sa Sitio Kanuloy, Brgy. Bai Saripinang, Bagumbayan, Sultan Kudarat.
Ginkilala ni Police Brigadier General Percival Augustus Placer ang nadakpan nga suspek nga si alyas “Doyo”, 47 anyos, may live-in partner kag residente sang nasambit nga lugar.
Suno kay PBGen. Placer, naaresto ang suspet sa ginpatigayon nga manhunt charlie operation sang gintingob nga pwersa sang Bagumbayan PNP, Provincial Intelligence Unit (lead unit), 1st SKPMFC, SK CIDG, SK HPG, kag Tracker team ng SKPPO.
Naaresto ang suspek paagi sa pagserbe sang warrant of arrest para sa kaso nga murder nga wala sang pyansa kag kaso nga may kahilabtanan sa droga nga may pyansa nga Php200,000.00.
Ang madinalag-on nga operasyon ang nagapakita sang positibo nga tikang sa kampanya batuk sa kriminalidad.
