-- ADVERTISEMENT --
Igabalhin na sa Thailand ang pagpatigayon sang Miss Grand International (MGI) competition nga orihinal kuntani nga pagahiwaton sa India.
Suno sa organizers, gindesisyunan nila nga ibalhin sa Thailand ang mga aktibidad matapos nga wala matuman sang India ang pila ka nahisgutan nga kondisyon angot sa kompetisyon.
Lakip sa mga ginapangayo ang five-star nga accommodation kag treatment para sa mga kandidata, lakip na ang five-star production standards para sa bug-os nga kompetisyon.
Bangud sini, Thailand na ang mangin venue sang mga nagapanguna nga aktibidad sang MGI sini nga tuig.
Pagahiwaton ang Miss Grand International halin Setyembre 18 tubtob Oktubre 10, kag pagatambungan ini sang mga kandidata halin sa nagkalain-lain nga bahin sang kalibutan.
