KORONADAL CITY- Maidid ang ginahimo nga clearing operation sang 33rd Infantry Batallion Philippine Army sa pagpamuno ni commanding officer Lt. Col. Harold Cabunoc kag Sultan Kudarat PNP sa pagpanguna ni Police Provincial Director Raul Supiter batuk sa armado nga grupo nga ginapatihan mga ISIS sympathizers.
Nahibaluan nga nagtuga sang kahadlok sa mga residente sang Prk. 7, Brgy. Bilumin Lambayong Sultan Kudarat nga boundary sang Tacurong City ang nakit-an nga mga kalalakihan nga indi magnubo sa napulo nga may dala pa nga mga matag-as nga kalibre sang armas luthang kag nagpamahog pa sa mga residente nga indi sila pag-ireport agud nga indi masakita ang mga ini bangud magaagi lamang sila sa nasambit nga barangay.
Ginapatihan nga mga katapu sang Bangsamoro Islamic Freedom Fighters ang mga ini.
Gilayon naman nga ginresponderan ang lugar apang wala na naabtan pa sang tropa ang armado nga grupo.
Nahibaluan nga ginpahugtan pa ang seguridad sa nasambit nga probinsya labi na kag madamo ang mga sightings sang mga rebelde sa pila ka bahin sang Sultan Kudarat kasubong sang Esperanza, Isulan, Bagumbayan, Sen. Ninoy Aquino kag Pres. Quirino.
